«Туган ягым — яшел бишек»

Гыйнвар ае — күп кенә язучы, шагыйрьләребезнең туган ае.
Шуларның берсе, яраткан язучыбыз Гомәр Бәшировның тууына, 7 нче гыйнвар көнне 125 ел булды. Язучыны искә алып, сәнгать җитәкчесе Рәшидә Борһанова Акъегет мәктәбендә «Туган ягым — яшел бишек» дип исемләнгән китап күргәзмәсе оештырды. Балалар аның әсәрләре белән әдәбият дәресләреннән таныш булсалар да, китапларына, әсәрләренә тагын бер кат күзәтү ясалды.